बढ्यो सुन–चाँदीको भाउ

काठमाडौं– आज सुनचाँदीको मूल्य बढेको छ । बिहीबार प्रतितोला आठ सय रुपैयाँले घटेको सुनको भाउ आज प्रतितोला आठ सय रुपैयाँ नै बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ११ हजार आठ सय रुपैयाँ र तेजाबी सुन प्रतितोला एक लाख ११ हजार दुई सय ५० रुपैयाँमा कारोबार भइरहेको छ ।

बिहीबार छापावाल सुन प्रतितोला एक लाख ११ हजार रुपैयाँ र तेजाबी सुन प्रतितोला एक लाख १० हजार चार सय ५० रुपैयाँमा कारोबार भएको थियो ।

त्यसैगरी, आज पनि चाँदीको मूल्य २० रुपैयाँले बढेको छ । आज चाँदी प्रतितोला १४ सय २५ रुपैयाँमा कारोबार भइरहेको छ ।