कुलो खन्ने क्रममा छातीमा ढुङ्गाले लागेर एकजनाको ज्यान गयो

काठमाडौं– कुलो खन्ने क्रममा माथिबाट आएको डुङ्गाले लागेर मुगुमा एक जनाको मृत्यु भएको छ । मृत्यु हुनेमा सोरु गाउँपालिका–९ खनयाका १७ वर्षीय युवराज शाही रहेका छन् ।

उनी सोमबार बिहानै खेतमा पानी लगाउन गएका थिए । कुलो खनिरहेको बेला पशु चौपायाले माथिबाट ढुङ्गा खसाई ढुङ्गा उनको छातीमा लागेको थियो ।

घाइते भएका उनको जिल्ला अस्पतालमा उपचारका क्रममा आज बिहान मृत्यु भएको प्रहरीले जनाएको छ ।