प्युठानमा जीप दुर्घटना हुँदा आठ जना घाइते

काठमाडौं– प्युठानको भिंगृमा जीप दुर्घटना हुँदा आठ जना घाइते भएका छन् । स्वर्गद्वारी दर्शन गरेर दाङको लमही फर्किँदै गरेका तीर्थयात्री बोकेको लु १ च ६३४५ जीप भिंगृमा दुर्घटनामा परेको हो ।

जीपमा दुई जना पुरुष, दुई जना महिला र चारजना बालबालिका गरी आठ जना रहेका प्रमुख जिल्ला अधिकारी मदन कोइरालाले जानकारी दिए । उनका अनुसार घाइते आठ जनालाई उद्धार गरी उपचारका लागि जिल्ला अस्पताल बिजुवार लगिएको छ ।

दुर्घटनाबारे थप अनुसन्धान भइरहेको कोइरालाले बताए ।