२०८२ जेष्ठ ११, आईतबार

मसला बनाउने मिक्चर चलाउने क्रममा करेन्ट लागेर एकजनाको मृत्यु

न्युज डेस्कप्रकाशित मिति: २०८० जेष्ठ २९, सोमबार (१ साल अघि)

२१० पाठक संख्या

बाँके– बाँकेको कोहलपुरमा करेन्ट लागेर एकजनाको मृत्यु भएको छ । करेन्ट लागेर अर्का एकजना घाइते भएका छन् ।

कोहलपुर नगरपालिका–१४ पार्वतीपुरस्थित गणपती प्लाईउड फ्याक्ट्रीमा काम गर्ने सोही नगरपालिका–७ बस्ने ५५ वर्षीय हरीभजन थारुको करेन्ट लागेर आइतबार राति मृत्यु भएको हो ।

मसला बनाउने मिक्चर चलाउने क्रममा करेन्ट लागेर गम्भीर घाइते भएका उनको उपचारको लागि भेरी अस्पताल नेपालगंज बाँकेतर्फ लैजाने क्रममा बाटोमै मृत्यु भएको हो ।

अर्का घाइते सोही फ्याक्ट्रीमा काम गर्ने नेपालगंज उपमहानगरपालिक–८ बालेगाउ बस्ने २५ वर्षीय धनिराम खटिकको भेरी अस्पतालमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको बताएको छ ।