बार्दलीबाट खसेर एक बालिकाको ज्यान गयो

काठमाडौं– खोटाङको दिक्तेलमा बार्दलीबाट खसेर एक बालिकाको मृत्यु भएको छ ।

दिक्तेल रुपाकोट मझुवागढी नगरपालिका–१ दिक्तेलको रत्नपार्कस्थित सीताराम खत्रीको घरमा डेरा गरेर बस्ने साकेला गाउँपालिका–१ बाँझेच्यानडाडाँका रविन गुरुङकी ५ वर्षीया छोरी रोशनी गुरुङको बार्दलीबाट खसेर मृत्यु भएको हो ।

बिहीबार बेलुकी करिब ५ बजेतिर दुई तालामाथिको बार्दलीबाट खसेकी उनको स्थानीय फेमिली अस्पतालमा उपचारको क्रममा करिब साढे ६ बजेतिर मृत्यु भएको प्रहरी नायब उपरीक्षक मन्जिल मुकारुङले बताए ।