दोलखामा भाईले गरे दिदीको हत्या

काठमाडौं– दोलखाको मेलुङ गाउँपालिकामा भाईले दाउराले हानेर आफ्नै दिदीको हत्या गरेका छन् ।

मेलुङ गाउँपालिका– १ पवटी पिपलबोटकी ३२ वर्षिया कल्पना भुजेललाई उनकै भाई रामभरत भुजेलले दाउराले हानेर हत्या गरेका हुन् ।

बोली नआउने र कान पनि नसुन्ने रामभरतले उत्तिसको दाउराले हानेर आफ्नै दिदिको हत्या गरेको दोलखाका प्रहरी प्रवक्ता, प्रहरी निरिक्षक राजेश सिग्देलले जानकारी दिए । उनका अनुसार घटना लगत्तै रामभरतलाई नियन्त्रणमा लिएर अनुसन्धान सुरु गरिएको छ ।