२०८० जेष्ठ १६, मंगलबार

आरुवासटारको सम्झना : राजेन्द्र सिलवाल ‘घायल’

विवेक अर्यालप्रकाशित मिति: २०८० बैशाख २१, बिहिबार (३ हफ्ता अघि)

३०५ पाठक संख्या

aarubastarko samjhana

राजेन्द्र सिलवाल (घायल)

धादिङ्ग जिल्लाको रिचोकटार मलेखु पुलपारि

बंशजको माया जीवनको छायाँ हर्षको फूलबारी

शिरैको मुकुट सिद्धलेक अ‍ाहा सृष्टिको चमत्कार

जन्मेको गाउँ मनोरम ठाउँ रमाइलो अ‍ारुबासटार

पश्चिम सानो बडरे खोला सुरम्य सलाङ्गघाट

सुनौला बाला धान फलाउने अब्बल पिप्लेफाँट

छ जलेश्वरी मा वि त्यहीं नै शिक्षाको चौतारी

नजिकै प्यारो अ‍ारुबासटार जीवनको छहारी

अ‍ादमारा र गौंथले अनि भेडाबारी छन् गाउँ

गेसटार निबुवाटार छन् त्यहीं दारिमटार भन्ने ठाउँ

दक्षिण तर्फ छ फालेपाखो हर्दम खडा जो

त्रिशुली काखमा अ‍ारुबासटार सुनको घडा हो

खैरेनी बगर र खोल्चीदोभान छोटीबगरको तिर

जँगारे गई पौडी खेलेर भुलिन्थ्यो मनको पीर

त्रिशुली पारी राजमार्ग ठूलो अ‍ाडैमा पतौरी

अ‍ारुबासटारको झझल्को मनमा साथी र दौंतरी

अ‍ोढार गुफा अ‍ाश्चर्य लाग्दा नागथान देवीमाई

पिप्लेफाँट तल सम्झिरहन्छु म बागेश्वरीलाई

बिजुली बत्ती मोटरबाटो बन्दैछ पक्कीपुल

हिराको हार अ‍ारुबासटार फुट्दैछ बिकासमूल

पूर्व बहेको थोपलखोला त्रिशुली मिसिने

गर्मीको याम डुबुल्की मार्दा शरीर चिसिने

बन र बुटा पाखा पहरा दृश्य छन् होनहार

प्रकुति रानी अ‍ाँखाको नानी रत्न हो अ‍ारुबासटार

सिलवाल वंश अर्याल वंश त्रिपाठी ईटनी

थपलिया र बराकोटी छन् मगर रोशनी

थोपलखोला चितुवाखोला भान्टेखोलाको नाम

बेसारेबन अ‍ारखुट्टेसम्म हुन्थ्यो घाँस काट्ने ठाम

बराकोटी भान्दाइ सबैका प्यारा विश्वासी दाहिनेहात

शालिकराम् केदार रामचन्द्र दाइ हितैषी भोजराज

रामशरण केशव राममणि भरत चन्द्र र शेषराज

बालकृष्ण शंकर अ‍ारुबासटारमा देउसिरे खेल्थ्यौं साथ

काहिंलो बा त्यहीं कान्छो बा त्यहीं ऐलेको बसोबास

ठूलीअ‍ामा पल्लाघरका अग्रज कान्छोबा चेतनाथ

अर्याल नारन लाहुरे दाइ प्यारा शम्भुदाइ ध्रुवभाइ

अ‍ारुबासटार मनमा छ प्यार सम्झन्छु सबैल‍ाई

नानू सम्झना नानी बहिनी मलेखु सम्झना

ईश्वरी गोमा अमृता मैयाँ गंगा ती अर्चना

जेठा र कान्छा बाबुहरु जो कान्छो बा सन्तान

असल कर्म पुर्खाको धर्म धान्दैछन् हर्दम

वडाध्यक्ष भई चर्चित बने रामहरि पैले नै

समाजसेवा उद्यमशीलता झाङ्गियो निकै नै

त्यो रिभर पार्क वीच रिसोर्ट अ‍ाहा राममणि बाबुभाइ

अ‍ारुबासटारलाई सजाउन सक्यौ बधाई छ तिमीलाई

गोपाल मास्टर अक्षर चिनाउने पढेको सलाङ्गघाट

वर पीपल समी बसेका जमी यो मेरो मनमाझ

सम्झिइरहेछु पलपल सधैं हे प्यारो अ‍ारुबासटार

क्रमश अझ‌ै लेख्दै जानेछु ऐलेलाई नमस्कार .क्रमश:——–

आरुवासटार

आरुवासटारको सम्झना

राजेन्द्र सिलवाल

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २८३२ - ०७८/७९

हाम्रो टीम

Editor-in-Chief :
Bibek Aryal 9841065149

Desk Editor : Haribahadur Baniya
: Bikash Rauniyar