सहिद स्मारक ‘ए’ डिभिजन लिगमा आज तीन खेल हुँदै

काठमाडौं– सहिद स्मारक ‘ए’ डिभिजन लिग फुटबलमा आज तीन वटा खेल हुँदैछन् । आज दुई खेल दशरथ रंगशाला र एक खेल च्यासल मैदानमा हुनेछ ।

काठमाडौंको त्रिपुरेश्वरमा रहेको दशरथ रंगशालामा हुने आजको पहिलो खेलमा फ्रेन्ड्स क्लब र चर्च ब्वाइज दिउँसो ३ बजे खेल्नेछन् ।

रंगशालामै आज हुने दोस्रो खेलमा बेलुका ६ बजे त्रिभुवन आर्मी क्लब र मनाङ मर्स्याङ्दी क्लबबीच खेल हुनेछ । यस्तै च्यासल मैदानमा सातदोबाटो युथ क्लब र हिमालयन शेर्पा क्लबबीच दिउँसो ३ बजे खेल हुनेछ ।