हाईस्पीडको बहानामा क्लासिकटेकको लुटधन्दा : २०० एमविपिएस् इन्टरनेटमा जम्मा १०० केविपिएस् स्पीड्

काठमाडौं – राजधानी काठमाडौं स्थित शंखमुलका पत्रकार कृष्ण आचार्यले केहि दिन अघी क्लासिकटेक कम्पनीको इन्टरनेट जडान गरे ।

भिडियोग्राफि र मल्टिमिडीयामा दक्ष अनुभव बटुलेका पत्रकार आचार्यले क्लासिकटेकको आधिकारिक वेबसाईट र फेसबुक पेजमा देखिएको हाईस्पिड ईन्टरनेटको विज्ञापनलाई बिश्वास गरी कम्पनीमा टेलिफोन गरे । कम्पनीका कर्मचारीले इन्टरनेट जोड्नुअघि उक्त प्याकेजसंगै विभिन्न प्याकेजहरु बारे पनि जानकारी गराए । कर्मचारीहरुकै जानकारीमा पहिले तिन महिनाको ईन्टरनेट प्रयोग गरी हेर्न सल्लाह दिएपछी आचार्यले पनि कर्मचारीको भनाईलाई विश्वास गरी तिन महिनाको रकम भुक्तानी गरी २०० एमविपिएस् स्पीडको ईन्टरनेट जडान गरे ।

तर कम्पनीको कुरामा विश्वास गरी ईन्टरनेट जडान गरेका आचार्य नराम्ररी ठगिएको उनले बताए । जडान गरेको परिक्षणकाल अवधी तिन दिन सम्म ठिकठिकै चलेको ईन्टरनेटको स्पीड् रकम बुझाएपछी भने ह्वात्तै घटेको उनले बताए । ईन्टरनेटको स्पीड् घटेको भन्दै कम्पनीमा पटक पटक टेलिफोन मार्फत् गुनाशो गरेपनी ईन्टरनेटको स्पीडमा कुनै परिवर्तन नआएको आचार्य बताँउछन् । ईन्टरनेट कम्पनीले आफुमाथी ठगी गरेको ठानी आचार्यले कम्पनीको कस्टोमर केयरमा जानकारी गराँउदासमेत आफ्नो सुनुवाई नै नभएको उनी बताँउछन् । टेलिफोन गरी आफु पत्रकार रहेको र उक्त ठगीधन्दाबारे मिडियामा समाचार लेख्छु भनेपछी बल्ल तपाँईको डिभाईसमा फाईभ जी बन्द भएको रहेछ, टु जि भएर नेट स्लो भएको हो भन्ने जवाफ आएको उनले बताए ।

“पछिल्लो समय हरेक ईन्टरनेट कम्पनीले यसैगरी ठगी गर्दै आएको छ । यसअघी पनि मैले सुविसु , वल्र्ड लिंक, भाया नेट लगायतको ईन्टरनेट प्रयोग गरेको छु । सवै ईन्टरनेटको यस्तै लुटधनदा छ । यसरी मैले झै कराउन सक्नेहरुले त केहि हदसम्म भएपनि चित्त बुझ्ने नेट चलाँउछन् तर अन्य सोझा सिधा जनताले त के गर्लान् ।” प्रश्न गर्दै आचार्यले भने । ईन्टरनेटमा अहिले सवैभन्दा बढी ठगी गर्ने कम्पनी नै क्लासिक टेक रहेको पनी आचार्य बताए ।

आचार्यमात्र होईनन् पछिल्लो समय हाईस्पीड ईन्टरनेटको बहानामा कयौं जनता ठगिएका छन् । सरकारी नियामक निकायले ध्यान नदिँदा क्लासिकटेकले २०० एमबिपिएसको स्पिड भनि ठगीधन्दा गर्दै आएको उनी बताँउछन् ।

नीजि क्षेत्रको ठूलो ईन्टरनेट सेवा प्रदायक कम्पनिको रुपमा दावी गर्ने क्लासिकटेकले अधिकांश ग्राहकलाई झुक्याउँदै ठगी गर्दै आएको जनगुनाशो छ । ‘कहिले काँही त सुचना पनि नदिई नेट काटिँदो रहेछ । हामीलाई शुरुमा २०० एम्विपिएस् नघटाई ईन्टरनेट दिन्छौं भनिएको थियो । तर अहिले त जम्मा १०० केविपिएस् स्पीडको मात्र ईन्टरनेट दिएको छ ।’ उनले भने । उनीहरुले यस्तै गरेर ठगी गर्दा रहेछन् । ‘मलाई जति २०० एमबिपिएस स्पीडको भनेर रसिदमा लेखिएको छ । तर नेट भने असाध्यै स्लो चलिरहेको छ ।’

करिब १२ बर्षअघीदेखी इन्टरनेटसम्बन्धी सेवा सञ्चालन गर्दै आएको सो कम्पनीले ग्राहकलाई हाईस्पीडको गेमिङ प्याकेज २०० एमबीपीएस सेवा उपलब्ध गराउने भन्दै ग्राहकबाट त्रैमासिक ५ हजार रुपैयाँ लिँदै आएको छ । तर डाउनलोड र अपलोड दुवैमा १०० केविपिएस् मात्र उपलब्ध गराएर ठगी गर्ने गरेको हो ।

यस विषयमा ईन्टरनेट सेवा प्रदायक कम्पनी क्लासिक टेकको कस्टोमर केयरमा सम्पर्क गर्दा त्यस्तो नभएको र प्राविधिक कारणले त्यस्तो हुन गएको बताँउछन् । तपाँईले दैनिक रुपमा १२ / १३ जिवी ईन्टरनेट खपत गरिसकेको भन्दै सवैजसो कम्पनीले यसैलाई अनलिमिटेड भन्ने गरेको समेत ति कर्मचारी बताँउछन् । उक्त विषयमा आफुले धेरै बोल्न नमिल्ने भन्दै हेड अफिसमा गई त्यहाँ नै कुरा गर्न समेत उनी आग्रह गर्दछन् ।

यद्धपी आधिकारिक व्यक्तिसंग कुरा गर्न सम्पर्क नंं. माग्दासमेत नम्बर दिन नमिल्ने ति कर्मचारी बताँउछन् ।