प्रधानमन्त्रीद्धारा आकस्मिक मन्त्रिपरिषद्‍को बैठक आह्वान

काठमाडौं – प्रधानमन्त्री पुष्पकमल दाहालले मन्त्रिपरिषद्‍को आकस्मिक बैठक बोलाएका छन् ।

काठमाडौंबाट यात्रु लिएर पोखराका लागि उडेको यति एयरलाइन्सको एएनसी एटीआर ७२ जहाज दुर्घटना भएकोमा दुख व्यक्त गर्दै मन्त्रिपरिषद्‍को आकस्मिक बैठक बोलाएका हुन् ।

दुर्घटनाप्रति दाहालले दुख व्यक्त गर्दै प्रभावकारी उद्धारमा लाग्न गृह मन्त्रालय, सुरक्षाकर्मी, नेपाल सरकारका सम्पूर्ण निकायलाई निर्देशन पनि दिएका छन्। दुर्घटनाको विवरण बुझ्न अहिले प्रधानमन्त्री त्रिभुवन विमानस्थल पुगेका छन् ।