चलचित्र ‘लाखे’ को आइटम गीत सार्वजनिक : भिडियोसहित

काठमाडौं – चलचित्र लाखेको आइटम गीत ‘तिम्रो पिरेम सार्वजनिक भएको छ ।

कात्तिक १८ गतेबाट देशैभर एकैसाथ प्रदर्शनको तयारी गरेको चलचित्र लाखेको टोलीले आज (आइतबार) जमल स्थीत् विश्वज्योती हलमा एक कार्यक्रम आयोजना गरी गीत सार्वजनिक गरेको हो ।  गीतमा फिल्मका मुख्य कलाकारको भुमिकामा अनुपविक्रम शाही र आर्यन अधिकारी लगायतको अभिनय रहेको छ ।

हर्कुलस बस्नेत र सदीक्षा कट्टेलको स्वर रहेको उक्त गीतमा गायक बस्नेत स्वयंको शब्द संगीत रहेको छ । गीत ‘लुट २’को ‘ठमेल बजार’ शैलीमा बनाइएको छ । फिल्ममा सौगात मल्ल, अनुप बिक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी, कालु राना, सुगन तण्डुकार, बाल कलाकार सिस्टम भण्डारी लगायत कलाकारहरुको मुख्य भूमिका रहेको छ ।

त्यस्तै चलचित्रमा सौरभ लामाको छायांकन र सन्देश शाहको सम्पादन रहेको छ । सम्राट बस्नेतको निर्देशन रहेको चलचित्रमा एक्सन, सस्पेन्स, थ्रिलर जनरामा निर्माण भएको हो ।

सिजन अर्यालको कथा तथा निर्माण रहेको चलचित्रको निर्मातामा डि.पी भण्डारी र गणेश मल्ल ठकुरी हुन् । कार्यकारी निर्माता हरि मल्ल ठकुरी रहेको चलचित्रमा कविराज गहतराजको कोरियोग्राफी रहेको निर्माता डि.पी भण्डारीले जानकारी दिए ।