२०८१ माघ ११, शुक्रबार

धादिङमा धुँवा र धुलो प्रदुषण गर्ने युनाइटेड सिमेन्ट्सद्धारा लेलेका विद्यार्थीलाई स्कुल ड्रेस वितरण

न्युज डेस्कप्रकाशित मिति: २०७९ अषाढ १३, सोमबार (२ साल अघि)

९४५ पाठक संख्या

काठमाण्डौ – धादिङमा अत्यधिक धुँवा, धुलो र ध्वनी प्रदुषण गर्ने युनाइटेड सिमेन्ट्स उद्योगले ललितपुर लेलेका विद्यार्थीलाई स्कुल ड्रेस वितरण गरेको छ ।

आईतबार, उद्योगले महादेवखोला, लेलेका सरकारी तथा निजी विद्यालयका ७३ जना विद्यार्थीलाई स्कुल ड्रेस वितरण गरेको हो । महादेव युवा क्लबका अध्यक्ष अर्जुन लामाको अध्यक्षतामा गरिएको स्कुल ड्रेस वितरण कार्यक्रममा युनाइटेड सिमेन्ट्सका खानी प्रबन्धक हरिकुमार उप्रेतीले स्कुल ड्रेस वितरण गरेका थिए । कार्यक्रममा एसएम रोडा ढुंगा उद्योगको पनि सहकार्य रहेको उद्योगले जानकारी दिएको छ ।

युनाइटेड सिमेन्ट्सले विगतदेखि नै स्वास्थ्य तथा शिक्षा क्षेत्रमा विभिन्न सामाजिक कार्यक्रम गर्दै आएको दावी गरेपनि धादिङमा संचालित सिमेन्ट उद्योगले भने अत्यधिक धुँवा, धुलो र ध्वनी प्रदुषण गरी स्थानियलाई बसाँई नै सर्नुपर्ने बाध्यतामा पुर्र्याएको छ ।