धादिङको जयसिद्धी उधोगको ढुङ्गा खानीमा पहिरो : एक मजदुरको मृत्यु

धादिङ – धादिङको धुनीबेशीमा संचालित् जयसिद्धी रोडा ढुङ्गा उधोग प्रा.लि.को ढुङ्गा खानीमा पहिरो जाँदा एक मजदुरको मृत्यु भएको छ ।

आज (शनिबार) बिहान धुनीबेशी नगरपालिका वडा नम्बर १ स्थित उद्योगको खानीमा पहिरो जाँदा खानीमा कार्यरत मजदुर शैलेश भनिने शिरीष तामाङको मृत्यु भएको प्रहरीले जनाएको छ ।

घटनापछि खानीको काम रोकिएको छ भने प्रहरी टोली घटनास्थल पुगि अनुसन्धान सुरु गरिएको ईलाका प्रहरी कार्यालय खानीखोलाले जनाएको छ ।