भक्तपुर बसपार्कमा खोटाङका युवाको हत्या

काठमाण्डौ – काठमाण्डौको भक्तपुर बसपार्कमा खोटाङका एक युवाको हत्या भएको छ ।

गत चैत ३ गते बागबजारस्थित बसपार्कमा कुटपिटबाट खोटाङका २९ वर्षीय रोशन राईको हत्या भएको हो । ३ गते बेलुका ५ – ६ जनाको समुहले कुटेर खोटाङ घर भएका २९ वर्षीय रोशन राईको हत्या गरेको प्रहरीले बताएको छ । सार्वजनिक शौचालयमा पैसा उठाउने रोशन र अर्को एकजना युवकको बिचमा शुरुमा झगडा भएको थियो । झगडा गर्ने युवकले आफ्नो समूह बोलाएर रोशनलाई मरणासन्न हुनेगरी कुटेका थिए ।

उपचारको क्रममा रोशनको शुक्रवार ट्रमा सेन्टरमा मृत्यु भएको महानगरीय प्रहरी परिसर काठमाडौंका प्रवक्ता (एसपी) दिनेशराज मैनालीले बताए । हत्यामा संलग्न युवकहरूबारे प्रहरीले अनुसन्धान गरिरहेको छ ।