ओडारभित्र लुकाई राखेको अवस्थामा दर्जन बढी सकेट बम फेला

रुकुम – पूर्वी रुकुमको एक ओडारभित्र लुकाई राखेको अवस्थामा करिब एक दर्जन थान सकेट बम फेला परेको छ ।

बिहीबार दिउँसो सिस्ने गाउँपालिका–२ को  बुर्केसल्लास्थित ओडारमा गाई चराउन जानेहरूले बम जस्तो देखिने शंकास्पद वस्तु देखेका थिए ।  उनीहरुले गाउँपालिका–२  का वडाध्यक्ष जीवन केसीलाई खबर गरेका थिए ।

केसीले  प्वाङ ईलाका प्रहरी कार्यालयलाई खबर गरेपछि प्रहरीले सकेट बम भएको पुष्टि गरेको थियो । रोल्पा जिल्ला प्रहरी कार्यालयका प्रवक्ता प्रहरी निरीक्षक दिपेन्द्र बानियाँले १० लिटरको कालो ड्रमभित्र सकेट बम फेला परेको बताए ।