सालकको खपटासहित धादिङबाट दुई जना नियन्त्रणमा

धादिङ – प्रहरीले धादिङको गजुरीबाट सालकको खपटासहित दुई जनालाई नियन्त्रणमा लिएको छ ।

पृथ्वी राजमार्ग अन्र्तगत् गजुरीबजारमा विषेश सुराकीको आधारमा काठमाण्डौ तर्फबाट गजुरीतर्फ आउदै गरेको ना ८ ख ८४२९ नम्बरको ट्रकलाई रोकी चेकजाँच गर्दा सालकको खपटा भेटिएको ईलाका प्रहरी कार्यालय गजुरीले जनाएको छ ।

प्रहरीका अनुसार, ट्रक रोकी चेकजाँच गर्ने क्रममा उक्त ट्रकको चालकको सिट पछाडी लुकाई छिपाई ल्याउदै गरेको अबस्थामा एक किलोग्राम सालकको खपटा फेला पारेको हो ।

प्रहरीले ट्रक सहित ट्रक चालक सिन्धुपाल्चोक मेलम्चि नगरपालिका वडा नं. २ बस्ने २३ बर्षका शेरबहादुर तामाङ र ट्रकका सहचालक काठमाण्डौ शंखरापुर नगरपालिका वडा नं. २ बस्ने १९ वर्षका मानबहादुर लामालाई पक्राउ गरी बरामद गरी सालकको खपटा, ट्रक, मोबाईल थान २ समेतका दसिहरु सहित थप आवश्यक कारवाहीको लागी डिभिजन बन कार्यालय धादिङ पठाएको छ ।