“नेपाल-पाकिस्तान मैत्री T20 क्रिकेट प्रतियोगिता हुने

काठमाडाैँ । आज पाकिस्तानी राजदूतावासले ट्रफी अनावरण समारोहको आयोजना गरेको छ

“नेपाल-पाकिस्तान मैत्री T20 क्रिकेट प्रतियोगिता 2022 को सातौं संस्करण”। प्रतियोगितामा भाग लिने १२ टोलीको लागि ड्र मार्फत कार्यक्रम सम्पन्न भएको थियो।

उक्त समारोहमा नेपाल क्रिकेट संघका प्रतिनिधि राजु बस्नेत, नेपाल राष्ट्रिय क्रिकेट टोलीका पूर्व कप्तान पारस खड्का, खेलाडी, नेपालका विभिन्न क्रिकेट एकेडेमीका प्रतिनिधि तथा प्रख्यात सञ्चारमाध्यमका प्रतिनिधिहरुको उपस्थिति रहेको थियो ।

नेपाल-पाकिस्तान मैत्री T20 क्रिकेट प्रतियोगिता हरेक वर्ष एक नियमित विशेषता हो, जसमा नेपालका विभिन्न क्लब र एकेडेमीका क्रिकेट टोलीहरू सहभागी हुन्छन्। प्रतियोगिताको 7 औं संस्करण 2 मार्च 2022 बाट सुरु हुनेछ।

खेलकुद गतिविधिमा सहभागी हुन नेपालका युवाहरूलाई उत्प्रेरित गर्ने र जनताबीचको सम्पर्कलाई मजबुत बनाउनु यस प्रतियोगिताको उद्देश्य रहेको छ । यस प्रतियोगिताले नेपालका युवा क्रिकेटरहरूलाई आफ्नो व्यावसायिक क्षमता अभिवृद्धि गर्ने मञ्च सिर्जना गरेको छ।

उक्त अवसरमा बोल्दै पारस खड्काले युवा नेपाली क्रिकेटरलाई सहज बनाउन पाकिस्तानी दूतावासले गरेको पहलको प्रशंसा गरे ।

कार्यक्रमलाई सम्बोधन गर्दै एच.ई. राजदूत सैयद हैदर शाहले नेपाली युवामा यस वार्षिक कार्यक्रमको बढ्दो लोकप्रियताप्रति सन्तुष्टि व्यक्त गरे ।

विश्व महामारीसँग जुधिरहेको अवस्थामा स्वस्थ समाजका लागि खेलकुदको महत्त्वलाई उनले जोड दिए । उनले यस प्रतियोगिताले नेपालका युवा क्रिकेटरहरुलाई आफ्नो सीप निखार्दै नेपालमा क्रिकेटको प्रवद्र्धन गर्न स्वस्थ्य अवसर प्रदान गर्ने विश्वास पनि व्यक्त गरे ।

उनले यस प्रतियोगिताले नेपाल र पाकिस्तानबीचको सुमधुर र मैत्रीपूर्ण सम्बन्धको प्रमाण भएको बताउँदै यस प्रतियोगिताले यी सम्बन्धलाई अझ प्रगाढ बनाउन सहयोग पुग्ने विश्वास व्यक्त गरे ।