प्रधानमन्त्री सरकारी निवासको बैठक कक्षबाट राष्ट्रपतिको तस्बीर गाएव

काठमाण्डौ – बालुवाटारस्थीत् प्रधानमन्त्रीको सरकारी निवासको बैठक कक्षबाट राष्ट्रपति विद्यादेवी भण्डारीको तस्बीर गाएव भएको छ ।

प्रधानमन्त्री शेरबहादुर देउवाले बालुवाटारको बैठक कक्षबाट राष्ट्रपति विद्यादेवी भण्डारीको तस्बीर हटाएका हुन् । प्रधानमन्त्री भएको केही समयसम्म पनि देउवाको बैठक कक्षामा राष्ट्रपति भण्डारीको तस्बीर देखिएपनि पछिल्लो समय भण्डारीको तस्बीर गाएव भएको छ ।

उनले राष्ट्रपति भण्डारीको तस्बीर हटाएर तस्विरको ठाँउमा ठुलो निशान छाप झुण्डाएका छन । त्यस्तै देउवाले पछिल्लो पटक बोलाएको एमाले माओवादीसँगको बैठकमा कैद भएको तस्बीरमा राष्ट्रपतिको फोटो हटाएर निशान छाप राखिएको देखिएको छ ।