राष्ट्रियसभामा प्रदेश नं.१ मा अन्तरघात : एमालेका उम्मेदवार विजयी

बिराटनगर – राष्ट्रिय सभा निर्वाचन अन्तरगत प्रदेश नम्बर १ मा नेकपा एमालेका उम्मेदवार विजयी भएका छन् ।

गठबन्धनबाट जनता समाजवादी पार्टीका उम्मेदवार हेमराज राईलाई हराउँदै एमाले उम्मेदवार सोनम ग्याल्जेन शेर्पा विजयी भएका हुन् ।

गठबन्धनकै उम्मेदवारको अन्तर्घातका कारण राईले पराजय बेहोर्नुपरेको बताइएको छ । राई जसपाको तर्फबाट गठबन्धनका उम्मेदवार थिए ।

शेर्पाले ४,७५२ मतभार पाए भने राईले ४,३६८ मतभार पाए ।  अर्को सिटमा नेकपा एकीकृत समाजवादीकी जयन्ती राईले जितेकी छन् । उनी भने गठबन्धनकै उम्मेदवार हुन् ।