राष्ट्रियसभाको उम्मेदवार छान्न एकीकृत समाजवादीद्धारा बैठक आह्वान

काठमाण्डौ – राष्ट्रिय सभा निर्वाचनका लागि उम्मेदवार छान्न नेकपा (एकीकृत समाजवादी)ले बैठक बोलाएको छ ।

सत्ता गठबन्धनबीच बालुवाटारमा १६ सिट बाँडफाँडपछि पार्टीले आफ्नो भागमा परेका ५ सिटका लागि उम्मेदवार छान्न बैठक बोलाएको हो । पार्टीका महासचिव डा. बेदुराम भुसालका अनुसार सचिवालय बैठक बसेर उम्मेदवारको नाम टुङ्ग्याउने तयारी छ ।

महासचिव भुसालले सोमबार बैठक बसेर नाम टुङ्ग्याउने भनेपनि बैठक बस्ने समय र स्थान भने खुलाएका छैनन् । सत्ता गठबन्धनबीच एकीकृत समाजवादीले २ नम्बर र गण्डकी प्रदेशबाहेकमा उम्मेदवारी दिनेछ । त्यस्तै पार्टीबाट १ पुरुष र ४ महिला उम्मेदवार बनाउन लागेको बुझिएको छ ।

एकीकृत समाजवादीले बागमती, गण्डकी कर्णाली र सुदूरपश्चिमबाट एक–एक जना सांसद गुमाउँदैछ ।