२०७९ चैत्र ६, सोमबार

एमाले वडा अधिबेशनप्रति व्यङ्ग्य : सर्वसंम्मत भयो अरे !

केशव दुवाडीप्रकाशित मिति: २०७८ कार्तिक ८, सोमबार (१ साल अघि)

३२३० पाठक संख्या

byangya

सर्वसंम्मत भयो अरे !!

सबै जन भन्छन् अचम्मै भयो रे

हजारौँ वडामा सर्वसम्मत भयो रे

हजारौँको सभामा चमत्कार भयो रे

तर म भन्छु

भारदारी सभामा

प्रमुख आउँदा जुरूक्क उठ्छन्

जम्लाहातले जदो गर्छन्

प्रमुखको इसारा पछि बस्छन्

प्रमुखले नै एजेन्डा प्रस्तुत गर्छन्

प्रमुखलेनै छलफल गर्छन्

प्रमुखले नै निर्णय गर्छन्।

कसलाई पजनी गर्ने हो

कसलाई पदको पगरी दिने हो

कसलाई पारितोसिक दिनै हो

त्यो प्रमुख कै अनुकम्पामा हुन्छ।

भारदारी सभामा

पराक्रम भन्दा परिक्रमा प्रभावशाली हुन्छ

भजन भट्याउने भाटहरु बलशाली हुन्छन्

भजनको भाषा पछि भोजनको आसा हुन्छ।

भार्दारी सभामा

कानून भन्दा नून प्रति वफादारी हुन्छ

प्रमुखको मुख नै चमत्कारी हुन्छ

चम्चागिरी र चाकरी चल्छ।

यो शरदको बिहानीमा

बादलले घुम्टो उघार्दै गर्दा

तुवाँलो फाट्दै गर्दा

साम्यवादी ब्रान्डको बोर्ड झुण्ड्याएर

दलाल पूँजीवाद पस्कनेभार्दारी सभामा

विचरो जनवाद कुना पसेर रुन्छ

केन्द्रीयता हावी हुँदा

सर्व संम्मत हुन्छ

प्रमखको पाउमा विन्ति भाउ हुन्छ

सबैको आआफ्नो दाउ हुन्छ

मालिकको जो हुकुम हुन्छ

अनि एक दम शान्ति हुन्छ

मुर्दाशान्ति हुन्छ

र सर्व संम्मत हुन्छ ।

केशव दुवाडी

व्यङ्ग्य

सर्वसंम्मत

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २८३२ - ०७८/७९

हाम्रो टीम

Editor-in-Chief :
Bibek Aryal 9841065149

Desk Editor : Haribahadur Baniya
: Bikash Rauniyar