रेडपाण्डाको छालासहित एकजना पक्राउ

नेपालगञ्ज – प्रहरीले बाँकेको नेपालगञ्जबाट संरक्षित वन्यजन्तु रेडपाण्डाको छालासहित एकजनालाई पक्राउ गरेको छ ।

शनिबार, बाँकेको नेपालगञ्ज उपमहानगरपालिका ४ बुद्ध मन्दिर नजिकबाट प्रहरीले रेडपाण्डाको छालासहित जाजरकोट भेरी नगरपालिका १ बस्ने २८ वर्षीय मनिराम सुनारलाई पक्राउ गरेको हो ।

सुराकको आधारमा जिल्ला प्रहरी कार्यालय बाँकेबाट खटिएको टोलीले मनिरामले बोकेको झोला चेकजाँच गर्दा एउटा रेडपाण्डाको छाला फेला परेको थियो । उनीबारे प्रहरीले अनुसन्धान गरिरहेको बाँकेका एसपी श्यामकृष्ण अधिकारीले जानकारी दिए ।