प्रताप दासको स्वर रहेको गीत ‘नाम केवल तिम्रो’ सार्वजनिक

गायक प्रताप दासको स्वर रहेको गीत ‘नाम केवल तिम्रो’ सार्वजनिक भएको छ ।

गीतकार डा. डिआर उपाध्यायको शब्द रहेको गीतमा सागर अधिकारी ‘शरद’ ले संगीत भरेका छन् । गीतको भिडियोमा अनुप बोहरा र रक्षा न्यौपानेको अभिनय छ । प्रेमकथा देखाउन खोजिएको भिडियोको निर्देशन कृष्ण पौडेलले गरेका हुन् ।

सुजन श्रेष्ठको छायांकन रहेको भिडियोको सम्पादन भने युवराज खत्रीले गरेका छन् । भिडियोमा आफूले माया गरेकी मायाको तारिफ गरिएको विषयलाई देखाइएको छ ।