हरिशयनी एकादशीकै दिन केपी समर्थकको गाईजात्रा : बाँदरको भेषमा ओलीको जयजयकार

५ साउन,काठमाण्डौ – आज हरिशयनी एकादशी अर्थात मोठमा तुलशी रोप्नेदिन । तर केपी ओली समर्थक एमाले कार्यकर्ताहरुले भने आजै गाईजात्रा निकालेका छन् ।

सर्वोच्च अदालतले प्रधानमन्त्री रहेका ओलीलाई गलहत्याएर सत्ताच्युद गरिदिएको प्रति  ओली निकटका एमाले कार्यकर्ताहरुले विरोध स्वरुप आज मंगलबार, बाँदरको भेषमा जात्रा निकालेका हुन् । ओली निकट युवासंघका कार्यकर्ताहरू सहभागी भएको जुलुशमा कतिपय कार्यकर्ताहरुले बाँदरको मुखुण्डो लगाएका थिए ।

प्रदर्शनकारीले एमाले र केपी ओलीको पक्षमा पनि नारा लगाएका थिए । ‘नेकपा एमाले जिन्दावाद’, ‘नेपाली जनताले के भन्छ, केपी ओली ले भन्छ’, ‘अघि बढ केपी बा, साथ दिन तयार छौं’ जस्ता लगाएका थिए ।

त्यस्तै उनीहरुले सर्वोच्च अदालत र देउवालाई प्रधानमन्त्री बनाउनुअघि गठित विपक्षी गठबन्धनका विरुद्धमा पनि नाराबाजी गरेका थिए ।