प्रधानमन्त्री देउवा र अमेरिकी राजदूत बीच भेटवार्ता

३१ असार,काठमाण्डौ – प्रधानमन्त्री शेरबहादुर देउवासँग अमेरिकी राजदूत र्‍यान्डी बेरीले भेटवार्ता गरेका छन् ।

आज (बिहीबार) बिहान प्रधानमन्त्री देउवालाई भेट गर्न राजदूत बेरी बुढानीलकण्ठस्थित देउवा निवासमै पुगेका हुन् । अमेरिकी राजदुताबासले प्रधानमन्त्री देउवालाई भेट्न राजदूत बेरी बुढानीलकण्ठस्थित देउवा निवास पुगेको जनाएको छ ।

राजदूत बेरीले पनि आफ्नो ट्वीटर ह्याण्डलमार्फत् भेटको तस्वीरसँगै प्रधानमन्त्री देउवाले आफ्नो नयाँ कार्यकालमा नेपाल–अमेरिकाबीचको मित्रता र साझेदारी थप सुदृढ गरिने उल्लेख गरेको बताएका छन्।

राजदूत बेरीले प्रधानमन्त्रीको शपथ सकिनासाथ यसअघि मंगलबार नै सामाजिक सञ्जालमार्फत् देउवालाई बधाई दिएका थिए ।