राष्ट्रियसभाको उपनिर्वाचनमा पनि एमालेले बादललाई नै उम्मेदवार बनाउने

१० बैशाख,काठमाण्डौ – नेकपा एमालेका अध्यक्ष तथा प्रधानमन्त्री केपी शर्मा ओलीले राष्ट्रियसभाको रिक्त पदमा गृहमन्त्री रामबहादुर थापा ‘बादल’लाई नै उम्मेदवार बनाउने बताएका छन् ।

शुक्रबार बालुवाटारमा भएको एमाले महाधिवेशन आयोजक कमिटीको बैठकमा ओलीले बादललाई उठाउने बताएको एक सांसदले जानकारी दिए । उनका अनुसार बादलले निर्वाचन जित्ने धारणा समेत राखेका थिए । जेठ ६ गते राष्ट्रियसभाको रिक्त पदमा उपनिर्वाचन हुँदै छ ।

बादललाई माओवादी केन्द्रले कारबाही गरेपछि उक्त पद रिक्त भएको हो ।