१७ वर्षीया किशोरीलाई चार दिन बन्धक बनाएर बलात्कार गर्ने युवक पक्राउ

२४ फागुन, काठमाडौं – भक्तपुर कौशलटारमा १७ वर्षीया किशोरीलाई एक व्यक्तिले चार दिनसम्म बन्धक बनाएर बलात्कार गरेको खुलेको छ ।

प्रहरीले बलात्कार आरोपमा एक युवकलाई पक्राउ गरेको छ । पक्राउ पर्नेमा सिरहाको धनगढी नगरपालिका ४ सन्तनगर घर भई हाल कौशलटारमा डेरा गरी बस्ने २७ वर्षीय दुर्गानन्द चौधरी रहेको भक्तपुर प्रहरीले जनाएको छ ।

प्रहरीका अनुसार युवकले उदयपुरको गाईघाट घर भएकी १७ वर्षीया किशोरीलाई ललाइफकाइ आफ्नै कोठामा राखेर चार दिनसम्म बलात्कार गरेको प्रहरीले जनाएको छ ।

ललाई फकाई किशोरीलाई गाईघाटबाट ल्याएर चार दिनसम्म कोठामा राखेर बलात्कार गरेको खुलेको प्रहरीले बतायो । त्यस्तै पीडित किशोरीले अभिभावकको सहयोगमा गत ल२१ फागुनमा चौधरीविरुद्ध जबर्जस्ती करणी आरोपमा किटानी जाहेरी दिएपछि प्रहरीले चौधरीलाई पक्राउ गरेको हो ।

भक्तपुर जिल्ला अदालतबाट म्याद थप गरी प्रहरीले थप अनुसन्धान अघि बढाएको छ।