उखु किसानको रकम भुक्तानी नदिने अन्नपूर्ण सुगर मिल सञ्चालक अग्रवाल पक्राउ

१५ माघ,काठमाडौं – उखु किसानको लाखौं रकम भुक्तानी नदिने अन्नपूर्ण एवं इन्दिरा सुगर मिलका सञ्चालक राकेश अग्रवाल काठमाडौंबाट पक्राउ परेका छन् ।

बुधबार, ठगी सम्बन्धी कसूरमा किटानी जाहेरीको आधारमा प्रहरीले अग्रवाललाई त्रिपुरेश्वरस्थित घरबाटै उनलाई बुधबार पक्राउ गरेको हो । गृह मन्त्रालयले गत मंसिर ३० गते उखु किसानलाई भुक्तानी नदिने उद्योगीलाई पक्राउ गरी रकम असूल्ने निर्णय गरेको थियो ।

तर अग्रवालले भने हालसम्मपनि उखु किसानलाई रकम भुक्तानी गरेको छैन ।  यसअघि गत २०७५ कात्तिकमा पनि उनी उखु किसानलाई भुक्तानी नदिएको अभियोगमा उग्रवाल पक्राउ परेका थिए ।