ट्याक्टर र मोटरसाइकल ठोक्किँदा एकको मृत्यु

२१ पौष,- काठमाडौं  मोरङको रतुवामाईमा ट्याक्टर र मोटरसाइकल ठोक्किएर भएको दुर्घटनामा एक जनाको मृत्यु भएको छ।सोमबार साँझ रतुवामाई नगरपालिका–६ कादुपाडामा भएको दुर्घटनामा मोटरसाइकल चालक मोटरसाइकल चालक रतुवामाई–८ का २० वर्षीय ज्ञानेन्द्र भुसालको मृत्यु भएको हो।

भित्री सडक खण्डमा उत्तरतर्फ जाँदै गरेको को २ त १२९० नम्बरको ट्याक्टर र बिपरीत दिशाबाट आउँदै गरेको को १५ प १४०७ नम्बरको मोटरसाइकल एक आपसमा ठोक्किएका थिए।ट्याक्टर र चालक रतुवामाई–८ का ३४ वर्षीय दिलबहादुर भुजेललाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ ।