२०८२ अषाढ ९, सोमबार

संसद् विघटन विरुद्ध कांग्रेसले देशव्यापी आन्दोलन गर्ने

शुभयुग संवाददाताप्रकाशित मिति: २०७७ पौष ५, आईतबार (४ साल अघि)

६९१ पाठक संख्या

५ पुष,काठमाडौं – संसद् विघटन विरुद्ध कांग्रेसले देशव्यापी आन्दोलन गर्ने भएको छ ।

आज आइतबार दिउँसो बसेको कांग्रेस पदाधिकारी बैठकले प्रधानमन्त्री केपी शर्मा ओलीले गैरसंवैधानिक र अलोकतान्त्रिक तरिकाबाट प्रतिनिधिसभा विघटनको निर्णयविरुद्ध देशव्यापी रुपमा आन्दोलन गर्ने निर्णय गरेको हो ।

आजको पदाधिकारी बैठकले सरकारको गैरसंवैधानिक र अलोकतान्त्रिक निर्णयविरुद्ध सडकमा जाने निर्णय गरेको वरिष्ठ नेता रामचन्द्र पौडेलले जानकारी दिए । उनका अनुसार आन्दोलनको स्वरुप भने मंगलबार बस्ने केन्द्रीय कार्यसमिति बैठकले तय गर्नेछ । त्यस्तै बैठकले संवैधानिक आयोगहरुमा नियुक्तिका लागि सरकारले गरेको सिफारिसप्रति पनि असन्तुष्टि जनाएको छ ।

नेता पौडेलले भने अपारदर्शी र संसदीय प्रक्रियाविपरीत संवैधानिक निकायमा गरिएको नियुक्ति सिफारिस कांग्रेसले नमान्ने बताए । उनले संसद्बाट अनुमोदन नभएसम्म राष्ट्रपतिबाट शपथ खुवाउन नमिल्ने भएकाले सिफारिस भएकाहरुलाई पदमा नबस्न आग्रह गर्ने बताए ।

त्यस्तै आगामी मंगलबार दिउँसो १ बजे पार्टीको केन्द्रीय कार्यालय, ललितपुरमा केन्द्रीय कार्यसमिति बैठक समेत बस्ने भएको छ ।