गोरखामा बस दुर्घटना : ११ जना घाईते

१ पुष,गोरखा – गोरखामा यात्रुवाहक बस दुर्घटना हुँदा ११ जना घाईते भएका छन् ।

काठमाडौंबाट आरुघाट जाँदै गरेको ग १ख ९४४६ नम्बरको बस आज बुधवार बिहान साढे ४ बजेतिर भीमसेनथापा गाउँपालिका – ३ तान्द्राङमा दुर्घटना भएको जिल्ला प्रहरी कार्यालय गोरखाले जनाएको छ । जिल्ला प्रहरी कार्यालय गोरखाका प्रहरी प्रमुख एसपी सुरेन्द्र गुरुङका अनुसार दुर्घटनामा परेर ११ जना यात्रु घाईते भएका छन् ।

त्यस्तै उक्त बसमा सवार ३० यात्रुमध्ये १९ जना घर फर्किसकेका छन् । त्यस्तै गम्भिर घाइते भएका ५ जनालाईभने थप उपचारका लागि काठमाडौं पठाइएको एसपी गुरुङले बताए ।

अन्य ६ जना घाईतेको भने आरुघाट स्थित प्राथमिक स्वास्थ्य केन्द्रमा उपचार भैरहेको एसपी गुरुङले बताए ।