२०८२ अषाढ ९, सोमबार

पछिल्लो २४ घण्टामा देशभरिमा ८२१ जनामा कोरोना संक्रमण पुष्टि

शुभयुग संवाददाताप्रकाशित मिति: २०७७ मंसिर २९, सोमबार (४ साल अघि)

५८५ पाठक संख्या

२९ मंसिर,काठमाडौं – पछिल्लो २४ घण्टामा देशभरिमा ८२१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा आज देशभरिमा ८२१ जनामा कोरोना संक्रमण पुष्टि भएको हो । आज महिला ३१७ र पुरुष ५०४ जनासहित ८२१ जनामा कोरोनाभाइरस संक्रमण पुष्टि भएको छ । त्यस्तै पछिल्लो २४ घण्टामा आज ८४२ जना निको हुनुका साथै १८ जनाको मृत्यु समेत भएको छ ।

मन्त्रालयका अनुसार यससँगै देशभर संक्रमितको कुल संख्या २ लाख ४९ हजार २४४ र निको हुनेको संख्या २ लाख ३६ हजार ५७३ जना पुगेको छ । त्यस्तै हाल देशभर १० हजार ९५५ जना सक्रिय संक्रमित रहेका छन् भने निको हुने दर ९४.९ प्रतिशत रहेको समेत मन्त्रालयले जनाएको छ ।

पछिल्लो २४ घण्टामा ५ हजार ४२३ जनाको पीसीआर परीक्षण भएको छ । पछिल्लो समय परीक्षण दर घट्दै गएपछि संक्रमित पनि घट्दै गएको पाइएको छ ।