कपिलवस्तुमा एक महिलाको क्रुर हत्या : आशंकामा देवर पक्राउ

२८ मंसिर,कपिलवस्तु –  गएराती कपिलवस्तुमा एक महिलाको क्रुर हत्या भएको छ ।

कपिलवस्तुको शिवराज नगरपालिका-५ चन्द्रौटास्थित् पुरानो बजारमा डेरा गरी बस्दै आएकी दाङ सतवरिया घर भएकी ५१ वर्षीया महिला सुशीला खड्काको हत्या भएको वडा ईलाका प्रहरी कार्यालय चन्द्रौटाका प्रहरी निरीक्षक दिपेश खरेलले बताएका छन् ।

५१ वर्षीया महिला खड्काको टाउको तथा मुखमा धारिलो हतियार प्रयोग गरी क्रूर तरिकाले हत्या भएको प्रहरी निरीक्षक खरेलले बताए । हत्याको आङ्शकामा प्रहरीले डेरामा सुशीलासँगै बस्ने भतिज तारणबहादुर खड्कालाई नियन्त्रणमा लिएर अनुसन्धान थालेको छ।

अहिले महिलाको शव परीक्षणका लागि जिल्ला अस्पलात तौलिहवा पठाइएको समेत प्रहरी निरीक्षक खरेलले बताए।