‘राष्ट्रिय अखण्डताको संरक्षण गर्न दल स्वार्थ केन्द्रीत भए’ : कमल थापा

२५ मंसिर,मकवानपुर  – राप्रपा अध्यक्ष कमल थापाले मुलुकको सार्वभौम राष्ट्रिय अखण्डताको संरक्षण गर्न राजनीतिक दलले दलगत स्वार्थ केन्द्रीत भएको आरोप लगाएका छन् ।

आज बिहिवार राप्रपा मकवानपुरले आयोजना गरेको एक कार्यक्रमलाई सम्बोधन गर्दै अध्यक्ष थापाले मुलुकको सार्वभौम राष्ट्रिय अखण्डताको संरक्षण गर्न राजनीतिक दलहरुको इमान्दारीताभन्दा दलगत स्वार्थ भएको आरोप लगाएका हुन् । उनले सडकको जुलुसको भीडले नभइ संविधानको संरचनाभित्रै रहेर जनताको अभिमतबाट परिवर्तन गर्नुपर्ने समेत उल्लेख गरेका छन् ।

त्यस्तै सो अवसरमा राप्रपाका केन्द्रीय सदस्य विजय खड्का र केन्द्रीय सम्पादन समितिका सदस्य राजाराम बर्तौलाले मुलुकमा बढ्दै गइरहेको हत्या हिंसालाई निरुत्साहित तुल्याउन सरकारले प्रभावकारी कानून ल्याउन नसकेको आरोप लगाए ।