कतार सरकारद्धारा नेपाललाई उपहारस्वरूप तीन मर्सिडिज कार प्रदान

२५ मंसिर,काठमाडौं – कतार सरकारले नेपाल सरकारलाई उपहारस्वरूप तीनओटा मर्सिडिज कार प्रदान गरेको छ ।

हिजो बुधबार परराष्ट्र मन्त्रालयको प्रांगणमा नेपालका लागि कतारी राजदूत युसुफ विन मोहम्मद अल–हैलले परराष्ट्र मन्त्रालयका सचिव भरतराज पौड्याललाई उक्त कारको साँचोसहित मर्सिडिज कार हस्तान्तरण गरेका हुन् ।

उपहार ग्रहण गर्दै परराष्ट्रसचिव पौड्यालले कार उपहार प्राप्त भएकोमा मात्र होइन, कतार सरकारले नेपालप्रति देखाएको सद्भाव र निरन्तर सहयोगको लागि सम्पूर्ण नेपालीको तर्फबाट धन्यवाद व्यक्त गरेका थिए ।