समीक्षा र सरोजको नयाँ गीत ‘त्यस्तै त्यस्तैमा’ सार्वजनिक

२३ मंसिर,काठमाडौं – गायिका समीक्षा अधिकारी र गायक सरोज साजनको आवाज रहेको नयाँ गीत ‘त्यस्तै त्यस्तैमा’ सार्वजनिक भएको छ ।

यादव लम्सालको शब्द तथा अर्जुन पोखरेलको संगीत रहेको उक्त गीतमा युवायुवती बीचको प्रेम, आकर्षण र मायालाई देखाइएको छ ।  विधान कार्कीले निर्देशन गरेको गीतको भिडियोमा मोडल सुधीर श्रेष्ठ, श्रेया सिटौला, डिमोन क्षेत्री र रुविशा श्रेष्ठको अभिनय छ ।

प्रकाश घिसिङको लगानी बनेको भिडियोमा सुरेन्द्र बसेलको कोरियोग्राफी, विकास दाहालको सम्पादन र उत्सव दाहालको छायांकन छ ।