भक्तपुरमा कार दुर्घटना : युवतीको मृत्यु, चालकसहित ३ घाईते
शुभयुग संवाददाताप्रकाशित मिति: २०७७ मंसिर २१, आईतबार (२ साल अघि)
२८२ पाठक संख्या
२१ मंसिर,भक्तपुर – भक्तपुरमा गएराति कार दुर्घटना हुँदा एक युवतीको मृत्यु भएको छ
गएराति १२:५० बजेको समयमा मध्यपुरथिमि नगरपालिका-३ कौशलटारमा काठमाडौँतर्फ जादै गरेको कार दुर्घटना हुँदा एक युवतीको मृत्यु हुनाका साथै तीन युवक घाइते भएको महानगरीय प्रहरी परिसर भक्तपुरले जनाएको छ । महानगरीय प्रहरी परिसर भक्तपुरका सूचना अधिकारी डीएसपी दीपक गिरीका अनुसार बा. ८ च. ४७५६ नम्बरको कार अनियन्त्रित भइ सडकबीचको फलामको रेलिङहरुलाई ठक्कर दिइ दुर्घटना भएको हो ।
उक्त घटनामा परेर काठमाडौँ महानगरपालिका-४, धुम्बाराही पिपलबोट बस्ने ३० वर्षकी रिया श्रेष्ठको मृत्यु भएको डीएसपी गिरीले बताए । त्यस्तै उक्त घटनामा मध्यपुरथिमी नगरपालिका – १, लोकन्थली बस्ने कार चालक २६ वर्षका रञ्जित कार्की, सोही नगरपालिका-५ राधेराधे बस्ने वर्ष २६ का विजय देउजा र सुर्यविनायक नगरपालिका– ४ गाम्चा बस्ने २७ वर्षका सुदप थापा घाइते भएको उनले बताए ।
प्रहरी कार्यालय रानीपोखरीबाट सो खवर प्राप्त हुनासाथ घटनास्थल पुगेको र सडक किनारमा अचेत अवस्थामा लडेकी रियालाई तत्कालै उपचारार्थ मध्यपुर अस्पताल पु¥याएपनि चिकित्सकले भने मृत घोषणा गरेको थियो । उक्त घटना बारे थप अनुसन्धान कार्य भइरहेको परिसरका सूचना अधिकारी डीएसपी गिरीले जानकारी दिए ।
