बितेको २४ घण्टामा थप १,३५६ जना संक्रमित थपिए : उपत्यकामा मात्र ६४७ थपिए

६ असोज काठमाण्डौं – बितेको २४ घण्टामा देशभर १३५६ जनामा कोरोना भाईरस संक्रमण पुष्टि भएको छ ।

मंगलबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले बितेको २४ घण्टामा देशभर १३५६ जनामा कोरोना भाईरस संक्रमण पुष्टि भएको जानकारी दिए । यससँगै देशभर संक्रमितको कुल संख्या ६६ हजार ६३२ पुगेको गौतमले बताए ।

गौतमका अनुसार २४ घण्टामा मात्र ८२३ जना डिस्चार्ज भएका छन् । योसंगै अव निको हुनेको संख्या ४८ हजार ६१ पुगेको छ । त्यस्तै आज सक्रिय संक्रमितको संख्या १८ हजार १ सय ४२ रहेको र स.स्थागत् आईसोलेशनमा ९ हजार १९३ रहेको गौतमले जानकारी दिए ।

उपत्यकामा मात्रै ६४७ संक्रमित
काठमाडौं उपत्यकामा मात्रै ६४७ जनामा कोरोनाभाइरस संक्रमण पुष्टि भएको छ ।  स्वास्थ्य तथा जनसंखया मन्त्रालयका अनुसार काठमाडौंमा ५११, ललितपुरमा ७३ र भक्तपुरमा ६३ जनामा कोरोना संक्तमण पुष्टि भएको हो ।