सलाङ गाविसका पुर्व उपाध्यक्ष ढुण्डीराज शर्माको निधन

७ असार,धादिङ- साविक सलाङ्ग गाउँ विकास समितिका पूर्व उपाध्यक्ष ढुण्डीराज शर्मा सिलवालको निधन भएको छ ।

७६ बर्षिय सिलवालको गएराती नेपाल प्रहरी अस्पताल काठमाण्डौमा उपचारको क्रममा निधन भएको हो । ललितपुरको ईमाडोलमा बस्दै आएका पूर्व उपाध्यक्ष सिलवाल विगत केहि वर्षदेखी दम रोगवाट ग्रसित थिए ।

दम रोगवाट ग्रसित सिलवालको नेपाल प्रहरी अस्पताल काठमाण्डौमा उपचारको क्रममा मृत्यु भएको उनको पारिवारिक श्रोतले जानकारी दिएको छ ।

सिलवाल वि.सं.(२०४९–२०५४ र २०५४–२०५९) सम्म २ कार्यकाल साविक सलाङ्ग गाउँ विकास समितिका उपाध्यक्ष रहेका थिए । सिलवालको आजै पशुपती अर्यघाटमा हिन्दु परम्परा अनुसार दाहसंस्कार गरियको उनका भतिजा कृष्ण प्रसाद सिलवालले जानकारी दिए ।