सुरेन्द्र यादव प्रकरण : बाबुराम भट्टराई लगायतलाई साइबर मुद्दा दर्ता: उजुरी सहित

१६ वैशाख काठमाडौं – राष्ट्रिय युवा संघ नेपाल र अनेरास्ववियुले पूर्व प्रधानमन्त्री डा.बाबुराम भट्टराई, हिसिला यमी, विश्वदिप पाण्डे र आङकाजी शेर्पाविरुद्ध महानगरीय प्रहरी परिसर काठमाडौंमा संयुक्त रुपमा साइबर क्राइमको मुद्दा दर्ता गराएका छन् ।

पूर्व प्रधानमन्त्री डा. बाबुराम भट्टराई, हिसिला यमी, विश्वदिप पाण्डे र आङकाजी शेर्पाले समाजवादी पार्टीका प्रतिनिधि सभा सदस्य डा. सुरेन्द्र यादवको अपहरण भएको भन्ने झूठा प्रचार गरिएको र त्यसलाई सामाजिक सञ्जालमार्फत भ्रमपूर्ण हिसाबले प्रधानमन्त्री केपी शर्मा ओली समेतलाई गाली गलौज गरेको भन्दै संयुक्त रुपमा साइबर क्राइमको मुद्दा दर्ता गराएका हुन् ।

मुद्दा दर्ता गर्नुको मुख्य कारण सामाजिक सञ्जालको दुरुपयोग हुनु उल्लेख गरिएको छ । समाजवादी पार्टीका प्रतिनिधि सभा सदस्य डा. सुरेन्द्र यादवको अपहरण भएको भन्ने झूठा प्रचार गरिएको र त्यसलाई सामाजिक सञ्जालमार्फत भ्रमपूर्ण हिसाबले प्रधानमन्त्री केपी शर्मा ओली समेतलाई गाली गलौज गरिएको भन्ने उजुरीमा उल्लेख गरिएको छ ।

राष्ट्रिय युवा संघका तर्फबाट सञ्जिव कुमार सुरज झा र अनेरास्ववियुका तर्फबाट नारायण घर्तीले उक्त उजुरी दर्ता गराएका हुन् ।

उजुरीमा नेकपाका सांसदहरु महेश बस्नेत, किसान श्रेष्ठ र नेपाल प्रहरीका पूर्वआईजी सर्वेन्द्र खनालको मान मर्दन हुनेगरी फेसबुक, ट्वीटरलगायतमा स्टाटस लेखिएको र त्यसले सामाजिक प्रतिष्ठामा आँच पुगेको पनि उल्लेख छ ।

सांसद यादव प्रकरणका सुरुदेखि सोमबारसम्म भएका घटनाक्रमलाई उल्लेख गरी परिसरमा दर्ता गरिएको उजुरी यस्तो छ ।