काठमाडौ – फ्राइडे रिलिजको परम्परा धान्दै आजबाट ‘दि कर्मा’ प्रदर्शनमा आएको छ ।
देवकुमार श्रेष्ठले निर्देशन गरेका एक मात्र यो फिल्म यो साता अर्थात आज शुक्रबार बाट प्रदर्शनमा आएको हो । केही सातायता फ्राइडे रिलिज अन्तरगत एकमात्र फिल्म रिलिज हुन थालेका छन् ।
परमिता आरएल राणा, करण वर्मा, नीता ढुङ्गाना, बुद्धी तामाङ्ग, देवकुमार श्रेष्ठ, अनुप सक्सेना, संगीता नापित लगायतका कलाकारको मुख्य अभिनय रहेको फिल्म जयराज रायले निर्माण गरेका हुन् ।
अभिनेत्री परमिताले नेगेटिभ भुमिका निर्वाह गरेको यो फिल्म जय मिडिया म्यानेजमेन्ट र श्रीत मिडिया एण्ड इन्टरटेन्मेन्टको ब्यानरमा बनेको हो ।
रायसँगै श्रीदेव बि.एल. र नीशा खतिवडा निर्माता रहेको फिल्ममा शारदा खड्का अर्याल सह निर्माताको रुपमा रहेकी छन् ।
